December 19, 2018

Իսրայելում հայտնաբերվել է Երուսաղեմի մասին եբրայերենով հնագույն հիշատակումը

Իսրայելում Երուսաղեմի մասին հանգույն հիշատակումներով եբրայերեն մակագրությամբ քար է հայտնաբերվել: Մասնագետների գնահատմամբ՝ գտածոն պատկանում է մեր թվարկության առաջին դարին: Հոկտեմբերի 10-ից այն կցուցադրվի Իսրայելական թանգարանում: Այս մասին գրում է korrespondent.net-ը՝ The Jewish Press-ին հղումով:

Մակագրությունը հայտնաբերվել է պեղումների ժամանակ՝ Հերովդես Մեծի ժամանակաշրջանի հռոմեական մի շինության սյուներից մեկի վրա: Սյան վրա գրված է՝ «Դոդալոսի որդի Հանանիան Երուսաղեմից»:

«Որպես Երուսաղեմի բնակիչ ես անչափ ուրախ եմ կարդալ այս մակարգրությունը, որն արվել է 2000 տարի առաջ, հատկապես՝ հիմա, երբ այն հասանելի կլինի յուրաքանչյուր երեխային, քանի որ գրված է նրան հասկանալի լեզվով և ժամանակակից ուղղագրությամբ»,- ընդգծել է թանգարանի տնօրեն Իդո Բրունոն:

Հնագետներին չի հաջողվել պարզել, թե ով է եղել Հանանիան, սակայն ենթադրվում է, որ նա նկարիչ կամ բրուտ է եղել:

Հնագետների խոսքով՝ սա մեր թվարկության սկզբում քարի վրա արված առաջին մկագրությունն է, որում հիշատակվում է Երուսաղեմի անվանումը:

Leave a Reply

Your email address will not be published. Required fields are marked *