«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Ոստիկանությունը վերացրեց Թենեսի նահանգի Նոքսվիլ քաղաքի դպրոցներից մեկում կրակ բացած հրաձիգին: Այս մասին հայտնում է տեղի ոստիկանությունը:
Իրավապահները դպրոց են ժամանել տեղում զինված անձի առկայության մասին տեղեկություն ստանալուց հետո: Ինչպես պարզվեց, նա փակվել էր զուգարանում: Ոստիկանները հրամայել են նրան հեռանալ, իսկ երբ նա հրաժարվել է, ոստկանները անցել են հարձակման:
«Երբ սպաները մտան զուգարան, կասկածյալը սկսել է կրակել և վիրավորել սպային: Սպաներից մեկը պատասխան կրակ է բացել: Կասկածյալը տեղում սպանվել է», - պարզաբանեցին ոստիկանությունից:
Միեւնույն ժամանակ ոստիկանության աշխատակիցներից մեկը վիրավորվել է, նրան տեղափոխել են հիվանդանոց:
Թարգմանություն՝ Մելինե Մարկոսյան