Ջուրը և վիսկին
Ինչու՞ է վիսկին ավելի համեղ ջրի հետ:
Հայտնի է, որ թորման ժամանակ վիսկին բավականին թունդ է ստացվում՝ մինչև 70 աստիճան, սակայն շշալցելուց առաջ այն նոսրացնում են ջրով, որպեսզի ալկոհոլը լինի 40 տոկոս ծավալով։ Ենթադրվում է, որ ջրի ավելացումն առաջացնում է վիսկիի համն ու բույրը, և շատերն այնուհետև բաժակի մեջ ջուր կամ սառույց են ավելացնում: Ի՞նչ է տեղի ունենում քիմիական տեսանկյունից: Linnaeus University-ի գիտնականները Science Reports-ի իրենց հոդվածում գրում են, որ «համի և հոտի բացումը» հիմնականում պայմանավորված է գուայակոլ կոչվող նյութով, որն ունի բնորոշ բարդ հոտ՝ ծխի նոտաներով: Guaiacol-ը շատ լուծելի է էթանոլում և վատ է լուծվում ջրում: Ուժեղ (ավելի քան 59%) վիսկիում գուայակոլը լողում է հեղուկի ամբողջ հաստությամբ, բայց երբ նոսրացվում է, երբ ջրի կոնցենտրացիան բարձրանում է, այն լողում է դեպի մակերես, այլ կերպ ասած՝ ջրի պատճառով ավելի հոտավետ գուայակոլի մոլեկուլները ազդում են մեր հոտառության ընկալիչների վրա, և քանի որ հոտառությունը սերտորեն կապված է համի զգացողության հետ, փոխվում է նաև վիսկիի համը։ Ամենայն հավանականությամբ, վիսկիում գտնվող այլ հոտավետ մոլեկուլները նույն կերպ են վարվում՝ վանիլի, լիմոնի և նարնջի յուղերը, բայց դրանք դեռ չեն ուսումնասիրվել այս թեմայով:
Թարգմանությունը՝ Միսաք Տիգրանյան
