Գավառի երկնքում պտտահողմի նմանվող երևույթ է նկատվել
11/06/2020
<p>Գեղարքունիքի մարզկենտրոն Գավառում բնակիչները հունիսի 11-ին պտտահողմի նմանվող երևույթ են նկատել, լուսա և տեսանկարահանել են ու հրապարակել համացանցում։ Նկարներով կիսվել է նաև Հիդրոօդերևութաբանության մոնիտորինգի կենտրոնի Օդերևութաբանական ծառայության պետ Գագիկ Սուրենյանը։</p> <p>«Քիչ առաջ պտտահողմ (տորնադո) է նկատվել Գավառ քաղաքում, որը Հայաստանում դիտվող հազվադեպ օդերևութաբանական երևույթ է»,- հրապարակմանը կից գրել է Սուրենյանը։</p> <p><a href="https://www.armenpress.am/">«Արմենպրես»</a>-ի հետ զրույցում՝ Արտակարգ իրավիճակների նախարարի մամուլի խոսնակ Էդմոն Զարգարյանն ասաց, որ իրենք նմանատիպ ահազանգ չունեն։</p> <p> </p> <p> </p> <p>Նյութը` Armenpress, Լիլիթ Դեմուրյան</p>
