Արցախի նախագահը աշխատանքային այցով Ֆրանսիայում է՝ նա հանդիպումներ է ունեցել ֆրանսիացի պաշտոնյաների հետ
06/12/2022
Արցախի Հանրապետության նախագահ Արայիկ Հարությունյանը այս օրերին աշխատանքային այցով գտնվում է Ֆրանսիայում։
Նա այնտեղ հանդիպել է Իլ դը Ֆրանս կենտրոնական շրջանի ղեկավար Վալերի Պեկրեսի հետ: Այդ մասին իր Twitter-ում գրել է Պեկրեն՝ հրապարակելով հանդիպման լուսանկարները։
Պեկրեն նշել է, որ հանդիպման ժամանակ վերահաստատել է իր համերաշխությունը և աջակցությունը Հայաստանի և Լեռնային Ղարաբաղի հայերի հանդեպ․ «Հարավային Կովկասում խաղաղության հասնելու համար պետք է լուծել Լեռնային Ղարաբաղի կոնֆլիկտը», - գրել է նա։
Հանդիպմանը ներկա են գտնվել Ֆրանսիայում ՀՀ դեսպան Հասմիկ Տոլմաջյանը, հայ համայնքի ներկայացուցիչներ, Արցախի արտգործնախարար Դավիթ Բաբայանը, պատվիրակության այլ անդամներ։