«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Մերժելով Եվրամիության նիստում Հայաստանի արտգործնախարարի հետ հանդիպելու ԱՄՆ-ի առաջարկը՝ Ադրբեջանը կասկածի տակ դրեց իր վստահությունը ԼՂ հիմնախնդրի կարգավորման բանակցություններում Վաշինգտոնի միջնորդության նկատմամբ։ Բաքուն հայտարարել է, որ այս գործողության պատճառը Բայդենի վարչակազմի անարդար քաղաքականությունն է։

Սա այն դեպքում, երբ ԱՄՆ-ը ​​ներկայումս ներգրավված չէ Ադրբեջանի  և Հայաստանի միջև խաղաղության գործընթացում, և թվում է, թե Բլինկենը մտադիր էր այս առաջարկով նորից ԱՄՆ-ին մասնակից դարձնել այդ գործընթացում։ Սակայն Եվրամիության նիստում Հայաստանի արտգործնախարարի հետ հանդիպումից Ադրբեջանի հրաժարվելը ցույց է տալիս, որ Բաքուն այս հարցում չի վստահում ԱՄՆ-ի միջնորդությանը։

Այդ բանակցություններն իրականացվել են ԱՄՆ-ի, Ռուսաստանի և Եվրամիության միջնորդությամբ, ինչպես նաև Բաքվի և Երևանի միջև անմիջական շփումների միջոցով (հիմնականում սահմանային հարցերի շուրջ)։ Այդուհանդերձ, կողմերը արձանագրում են առաջընթաց այո ոլորտում։

Անդրադառնալով խաղաղ բանակցություններում ձեռք բերված առաջընթացին, Ադրբեջանի արտաքին գործերի նախարար Ջեյհուն Բայրամովը Եվրամիության ԱԳ նախարարների հանդիպման ժամանակ ասել է.- Իր երկրի նկատմամբ Հայաստանի տարածքային պահանջների շարունակումը խոչընդոտում է խաղաղության գործընթացը։ Հայաստանն այդ պնդումներն անհիմն է համարում։

Հայաստանի արտաքին գործերի նախարար Արարատ Միրզոյանի խոսքով, երկու երկրները համաձայնության են եկել խաղաղության պայմանագրի տեքստի նախաբանի և 17 հոդվածներից 15-ի շուրջ, սակայն նա հրաժարվեց ավելի մանրամասն խոսել այդ մասին։

Ադրբեջանի խորհրդարանի միջազգային և միջխորհրդարանական հարաբերությունների հանձնաժողովի անդամ Ասեմ Մոլլազադեն Turan լրատվական գործակալության հետ զրույցում, հայտարարելով, որ Ադրբեջանը որևէ մեկի միջնորդության կարիքը չունի, և մինչ այժմ խաղաղության համաձայնագրի չստորագրման հիմնական պատճառը Հայաստանի կողմից Սահմանադրության փոփոխությունից հրաժարվելն է, ասել է.«Նրանք դեռ չեն փոխել իրենց սահմանադրությունը և չեն հանել տարածքային պահանջները Ադրբեջանի նկատմամբ»։

Ի պատասխան Հայաստանի սահմանադրությունը փոփոխելու և այս երկրի նկատմամբ տարածքային պահանջները վերացնելու Ադրբեջանի պահանջին, ՀՀ վարչապետ Նիկոլ Փաշինյանը մերժել է այդ պահանջը։ Նշելով, որ Ադրբեջանի սահմանադրությունը նաև տարածքային պահանջներ է պարունակում Հայաստանի նկատմամբ, նա ասաց. «Եթե Ադրբեջանը ցանկանում է, որ մենք բարեփոխենք մեր Սահմանադրությունը, ապա նախ պետք է իրենք բարեփոխեն իրենց Սահմանադրությունը»:

Քաղաքական վերլուծաբան Նասիմի Մոհամմադլին, նշելով, որ Եվրամիության Մինսկի խմբի անդամները ձգտում են մտնել ղարաբաղյան հիմնախնդրի կարգավորման բանակցային գործընթաց, ասաց. «Բայց նրանց այս ցանկությունը հանգեցնում է կողմերի միջև տարաձայնությունների սրմանը, այլ ոչ թե խաղաղության հաստատմանը. Ուստի լավագույն տարբերակը առանց միջնորդի բանակցելն է»։

Ղարաբաղի հարցում օգտակար համարելով արեւմտյան միջնորդությունը, Մոհամմադալին ասել է.- Ադրբեջանի և Հայաստանի միջև բանակցությունները, որոնք հիմնականում անցկացվել են Եվրամիության խորհրդի նախագահ Շառլ Միշելի միջնորդությամբ, մեզ հասցրել են այս փուլին։ Ռուսաստանի դիրքորոշումն էր դադարեցնել բանակցային գործընթացը և Ղարաբաղի կարգավիճակի շուրջ բանակցությունները հետաձգել։ Նրանք մտադիր էին երկար ժամանակ ներկա լինել տարածաշրջանում՝ որպես խաղաղապահ ուժեր։

Հաշվի առնելով ԱՄՆ-ում նոր կառավարության ձևավորվելը և Հարավային Կովկասի նկատմամբ այս երկրի քաղաքականության փոփոխության հավանականությունը, պետք է սպասել և տեսնել, թե ինչպես կդասավորվի ղարաբաղյան խաղաղ բանակցությունների ապագան։
https://parstoday.ir/