«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Հայաստանի սպառողական շուկայում 2021 թվականի ապրիլին 2020 թվականի ապրիլի համեմատ գրանցվել է 6.2% գնաճ: Տվյալներն այսօր (մայիսի 5) հրապարակել է Վիճակագրական կոմիտեն: 
2020-ի դեկտեմբերից գնաճի տեմպերը Հայաստանում աստիճանաբար արագացել են: Մարտին այն կազմել էր 5.8%:  
Իսկ 2021-ի հունվար-ապրիլին, 2020-ի հունվար-ապրիլի համեմատ, գնաճը կազմել է 5.4%:
Որոշ ապրանքախմբեր շարունակում են ավելի մեծ տեմպերով թանկանալ, քան ընդհանուր գնաճն է: 
Սննդամթերքը ապրիլին թանկացել է 8.3%-ով
2021 թվականի ապրիլին 2020 թվականի ապրիլի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 8.3% գնաճ:

• Միրգը թանկացել է 10.4%-ով, 
• Բանջարեղենը՝ 8.5%-ով,
• Շաքարի և շաքարավազը՝ 41%-ով,
• Ձուկը և ծովամթերքը՝ 9.2%-ով, 
• Յուղերը և ճարպերը՝ 28.6%-ով, ընդ որում՝ ձեթը թանկացել է 73.5%-ով,
• Կաթնամթերք, պանիր և ձու ապրանքախումբը՝ 13.4%-ով, մասնավորապես ձուն՝ 55.7%-ով,
• Մսամթերքը՝ 4%-ով,
• Ալկոհոլային խմիչքը և ծխախոտը՝ 8.8%-ով, 
• Հացաբուլկեղենը և ձավարեղենը՝ 7.6%-ով, 

Ոչ պարենային ապրանքների գներ
2021 թվականի ապրիլին 2020 թվականի ապրիլի համեմատ ոչ պարենային ապրանքների շուկայում գրանցվել է 8.5% գնաճ: 
Մշտապես քննարկվող բենզինը թանկացել է 31.1%-ով, իսկ դիզելային վառելիքը՝  11.1%-ով: 
Ծառայությունների սակագներ
Մատուցված ծառայությունների ոլորտում 2021թ. ապրիլին 2020թ. ապրիլի համեմատ արձանագրվել է սակագների 2.4% գնաճ: