ԱՄՆ իշխանությունները մտադիր են ձերբակալել անկարգությունների կազմակերպիչներին
<p>Власти США намерены арестовать организаторов беспорядков.</p> <p>US authorities intend to arrest the organizers of the riots.</p> <p>Les autorités américaines ont l'intention d'arrêter les organisateurs des émeutes.</p> <p>Այս մասին հայտնում է Panorama.am-ը, երեքշաբթի «Fox News»-ին տված հարցազրույցում այդ մասին հայտարարել է ԱՄՆ արդարադատության նախարար, գլխավոր դատախազ Ուիլյամ Բարը: Խոսելով Միացյալ Նահանգներում տեղի ունեցած անկարգությունների մասին, նա հայտարարել է. «Այնպես է եղել, որ ծայրահեղ աջ խմբավորումները փորձել են իրենց ներկայացնել ծայրահեղ ձախ: Ծայրահեղ ձախերը ձևացրել են, որ ծայրահեղ աջ են: Երկու կողմերի ներկայացուցիչներն էլ փորձել են բռնություն հրահրել»: ԱՄՆ արդարադատության նախարարության ղեկավարը դրական պատասխան է տվել այն հարցին, թե նախատեսվում է արդյոք ձերբակալել կազմակերպիչներին: «Ես չեմ կարող քննությունների ժամանակացույց սահմանել: Այնուամենայնիվ, ես կարծում եմ, որ մենք լիովին նպատակադրված ենք զսպելու այդ խմբերին»,-նշել է նախարարը: Երկուշաբթի օրը Բարը հայտարարել էր, որ ԱՄՆ իշխանությունները հետաքննություն են անցկացնում անկարգություններին մասնակցած մի շարք ցուցարարների գործողությունների մասով, որոնք կապված են ԱՄՆ-ում գործող հակաֆաշիստական «Անտիֆա» շարժման հետ: Նա հստակեցրել էր, որ այդ մարդիկ ձերբակալվել են բողոքների ժամանակ՝ մի շարք հանցագործությունների մեղադրանքով: Մայիսի վերջին ԱՄՆ նախագահ Դոնալդ Թրամփը հայտարարել էր, որ ԱՄՆ իշխանությունները մտադիր են «Անտիֆա» շարժումը ընդգրկել ահաբեկչական կազմակերպությունների ցուցակում: Նա պնդել էր, որ ձախ արմատական խմբավորումները պատասխանատու են բողոքի ցույցերի ընթացքում մի շարք նահանգներում անկարգությունների և բռնությունների դեպքերի համար:</p> <p> </p> <p> </p> <p> </p> <p>Նյութը` Artsakhpress</p> <p>Թարգմանությունը` Աննա Հակոբյան</p> <p> </p>
