Թուրքիայում չեն կարողանում մարել Իսկենդերունի նավահանգստում բռնկված հրդեհը
07/02/2023
Թուրքիայի հարավ-արեւելքում գտնվող թուրքական Իսկենդերուն նավահանգստում երկրաշարժից հետո հզոր հրդեհ է բռնկվել, հաղորդում է Anadolu-ն։
Հրդեհը բռնկվել է երկուշաբթի երեկոյան նավահանգստի տարածքում բեռներ տեղափոխող բեռնարկղերում։ Տարաները շրջվել են երկրաշարժի ժամանակ։ Հրդեհի առաջացման պատճառը դեռ հայտնի չէ։
Գործակալության տվյալներով՝ հրդեհաշիջման աշխատանքներում ներգրավված է առափնյա պահպանության Yaşam նավը։
Հաթայ նահանգում գտնվող Իսկենդերուն նավահանգիստը երկուշաբթի ժամանակավորապես հանվել է շահագործումից՝ տարածաշրջանում տեղի ունեցած երկրաշարժից հետո ավերածությունների պատճառով:
Առաջարկվող Նորություններ
