«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Պաշտպանության նախարարությունը հրաժարվում է եռամսյա հավաքներից. Պապիկյան

13/10/2022

Մենք հրաժարվում ենք եռամսյա հավաքներից, դրանք դառնում են 25-օրյա, բայց պարտադիր Հայաստանի բոլոր զինապարտ քաղաքացիների համար: Այս մասին, այսօր՝ հոկտեմբերի 13-ին, կառավարության նիստում հայտարարեց պաշտպանության նախարար Սուրեն Պապիկյանը:

«Այդ 25 օրից 21-ն է իրական ծառայությունը, մնացածը կազմակերպական հատվածն ապահովելու համար է:  7 օր քաղաքացին անցնում է պատրաստություն, 14 օր իրականացնում է մարտական հերթապահություն: Շուտով կարգը կլինի, դրա մասին կհայտարարենք: Առաջիկա հավաքները լինելու են 25-օրյա, այլեւս հրաժարվում ենք եռամսյա հավաքներից: Բայց  դա լինում է պարտադիր Հայաստանի բոլոր զինապարտ քաղաքացիների համար: Մենք ընձեռելու ենք հնարավորություն ընտրել ժամկետը»,-ասաց նախարարը:

Կառավարությունը կանանց  ևս հնարավորություն կտա զինվորական պատրաստություն անցնել․  «Շուտով ՊՆ–ն հանդես կգա հայտարարությամբ, որ ՀՀ քաղաքացի իգական սեռի ներկայացուցիչները կարող են հերթագրվել և համապատասխան հրաձգարաններում անցնել մարտական զենքից կրակային պատրաստություն։ Սա, իհարկե, ըստ ցանկության։ Մասնակցության համար անհրաժեշտ հագուստը, ժամանակը, ամեն ինչը կհստակեցվի»,– ասաց Պապիկյանը կառավարության նիստի ժամանակ։