«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Իրանի արտգործնախարարն ընդգծել է Թեհրանի և Մոսկվայի համակարգված դերը Կովկասում խաղաղության հաստատման և Հայաստանի ու Ադրբեջանի միջև խաղաղության պայմանագրին աջակցելու գործում։ ԱՄՆ-ի հետ Իրանի բանակցությունների վերաբերյալ Սեյեդ Աբբաս Արաղչին ասել է, որ ԱՄՆ-ը գիտի, որ Իրանը չի հանձնվի զոռբայությանը։

Սեյեդ Աբբաս Արաղչին «Russia Today»-ին տված հարցազրույցում, որը հեռարձակվել է կիրակի օրը, ընդգծել է, որ Իրանի, Ռուսաստանի և Չինաստանի միջև եռակողմ համագործակցությունը կարևոր է ներկայիս համաշխարհային իրավիճակում:
Արաղչին հայտարարեց Իրանի միջուկային խնդրի շուրջ երեք երկրների միջև բանակցությունների մեկնարկի մասին և հայտարարեց, որ այդ բանակցությունները կընդլայնվեն այլ հարցերի վրա։
Նա հավելել է.«Գործելով համակարգված՝ այս երեք երկրները կարող են արդյունավետ քայլեր ձեռնարկել միջազգային խաղաղության և անվտանգության համար»։

Իրանի և Ռուսաստանի դերը Հարավային Կովկասում
Իրանի արտգործնախարարն իր ելույթի մի հատվածում անդրադարձել է Թեհրանի եւ Մոսկվայի համատեղ դերին Հարավային Կովկասի խնդիրների լուծման գործում։
Աջակցելով տարածաշրջանային վեճերի լուծման «3+3» նախաձեռնությանը (Ադրբեջան, Հայաստան, Վրաստան, Իրան, Թուրքիա, Ռուսաստան)՝ նա ընդգծել է, որ Կովկասի հարցերը պետք է լուծվեն տարածաշրջանի երկրների մասնակցությամբ։

Իրանի արտգործնախարարը հավելել է.-Իրանն աջակցում է Հայաստանի և Ադրբեջանի  միջև խաղաղության պայմանագրին և հույս ունի, որ այդ պայմանագրի ստորագրումը տարածաշրջանում տնտեսական և քաղաքական համագործակցության նոր փուլ կստեղծի։

Իրանի և Ռուսաստանի ռազմավարական հարաբերությունները
Արաղչին Իրան-Ռուսաստան հարաբերությունները որակել է որպես «աննախադեպ». Անդրադառնալով երկու երկրների միջև Համապարփակ ռազմավարական գործընկերության համաձայնագրին՝ նա հավելեց, որ երկկողմ առևտուրն աճել է, իսկ պատժամիջոցները լուրջ խոչընդոտ չեն ստեղծել։
Իրանի արտգործնախարարն ընդգծել է, որ երկու երկրների միջև քաղաքական խորհրդակցությունները շատ մոտ են, և դիրքորոշումները միջազգային հարցերի մեծ մասում նման են։

Ռուսաստանի դերը Իրանի միջուկային հարցում
Արաղչին խոսել է իրանական միջուկային խնդրի լուծման գործում Ռուսաստանի դերի մասին։
Մոսկվան միշտ կառուցողական դեր է խաղացել ՀԳՀԾ-ի բանակցություններում և ճանապարհ է հարթել իր առաջարկներով։ Նա հավելել է, որ Ռուսաստանը, հաշվի առնելով Անվտանգության խորհրդում իր դիրքը, կարող է օգնել արդար համաձայնության հասնել Իրանի և ԱՄՆ-ի միջև անուղղակի բանակցություններում:

Իրանի դիրքորոշումը սպառնալիքների վերաբերյալ
Ի պատասխան Իսրայելի սպառնալիքների մասին հարցին՝ Արաղչին հայտարարել է.-Իրանը պաշտպանվելու կարողություն ունի, իսկ Իսրայելն ու ԱՄՆ-ը գիտակցում են Իրանի պատասխան ուժը: Նա հավելել է.«Ռազմական սպառնալիքները չեն իրականացվի, քանի որ Իրանը հզոր է և կարող է պաշտպանվել»:

Սիրիայի զարգացումները
Սիրիայի վերաբերյալ Իրանի արտգործնախարարն ընդգծել է, որ Սիրիայում տարածքային ամբողջականության և խաղաղության պահպանումը կենսական նշանակություն ունի Իրանի և Ռուսաստանի համար։ Նա հավելել է, որ Իրանը նախկինում համագործակցել է Սիրիայի ժամանակի կառավարության հետ և պատրաստ է օգնել, եթե պահանջվի։
https://parstoday.ir/