Ակնկալվում է Ֆիրդուսի կառուցապատումը ավարտին հասցնել 2023-ի վերջ 2024-ի սկիզբ
<p>Երևանի 33-րդ թաղամասի (Ֆիրսուսի) կառուցապատման աշխատանքները նախատեսվում է ավարտել 2023 թվականի վերջում կամ 2024 թվականի սկզբում։</p> <p><a href="https://armenpress.am/arm/"><strong>«Արմենպրես»</strong></a>-ի հաղորդմամբ՝ այս մասին ավագանու արտահերթ նիստի ժամանակ ասաց ՀՀ փոխվարչապետ Տիգրան Ավինյանի գրասենյակի ղեկավար Սերժ Վարագ Սիսեռյանը։</p> <p>«Այս դեպքում բոլոր ներդրողները տվել են բանկային երաշքիքներ, գնահատվել են բոլորի ֆինանսական կարողությունները։ Այս ամենի շնորհիվ, մենք վստահ ենք, չենք ունենա սնանկ գործարարներ և մարդիկ չեն մնա առանց բնակարանների»,- նշեց Սիսեռանը։</p> <p><em>Այդ տարածքում հողերի ձեռք բերման համար արդեն ներդրվել է մոտ 70 մլն ԱՄՆ դոլար, ինչի համար գործարարները ստացել են հողերի սեփականության վկայականներ։ </em></p> <p><em>Երևանի 33-րդ թաղամասում առկա է 8 հուշարձան շենք, որոնք դուրս են բերվել Ֆրդուսի կառուցապատման ծրագրից և Կառավարության որոշմամբ դուրս կբերվեն նաև գերակա շահի որոշման մեջ տեղ գտած գույքերի ցանկից։ Բանակցություններ են տարվում կառուցապատողներից մեկի հետ, որպեսզի Ֆիրդուսի 80 հասցեում գտնվող շենքը, որը հուշարձան չի, չքանդվի և դուրս գա ծրագրից։</em></p> <p> </p> <p> </p> <p>Նյութը` Armenpress, Լիլիթ Դեմուրյան</p>
