Իմ այցը Թուրքիա շատ հաջող եմ համարում. Էրդողանին հրավիրել եմ Հայաստան. Նիկոլ Փաշինյան
Հայաստանն Ադրբեջանի ու Թուրքիայի հետ ունի ինստիտուցիոնալ մշտական հաղորդակցություն, այս մասին հայտարարեց վարչապետ Նիկոլ Փաշինյանը։
Սա, ըստ նա, կարևորագույն նորություն է։
Փաշինյանն ասաց, թե հայ-թուրքական հարաբերություններն ուրիշ բան են, իսկ Հայաստան-Թուրքիա հարաբերություններն՝ ուրիշ։
«Հայաստան-Ադրբեջան հարաբերությունն ուրիշ բան է, հայ-ադրբեջանական հարաբերությունն՝ ուրիշ»,- ասաց նա։
Ըստ Փաշինյանի՝ ուրիշ երկրներում հայ-ադրբեջանական հարաբերություններում շատ հաճախ ոչ մի պրոբլեմ չի եղել։
«Մարդիկ իրար հետ ապրել են, աշխատել են, երբեմն ընկերություն են արել, բայց Հայաստանի ու Ադրբեջանի թշնամական հարաբերությունների պայմաններում»,- ասաց նա։
Վարչապետն ընդգծեց՝ Հայաստանի ու Թուրքիայի հարաբերությունները գտնվում են ճիշտ ուղու վրա։
Նա ասաց, թե վերջին իր այցը Թուրքիա շատ հաջող է համարում։
«Այո՛, այդ այցի ընթացքում Էրդողանին հրավիրել եմ մասնակցելու 2026 թվականի մայիսին Երևանում կայանալիք Եվրոպական քաղաքական համայնքի գագաթաժողովին, հույս ունեմ՝ հրավերը կընդունվի»,- նշեց նա։
