Ջրհեղեղ Իրանում. կան զոհեր
28/07/2022
Այս պահի տվյալներով առնվազն հինգ մարդ մահացել, ևս ինը տուժել են Իրանի Թեհրան նահանգի հյուսիսային հատվածում տեղի ունեցած ջրհեղեղի հետևանքով, տեղեկացնում է IRNA-ն:
Նշվում է, որ ևս 14 մարդ անհետ կորած է համարվում: Որոնողափրկարարական աշխատանքները, որոնց մասնակցում է 80 փրկարար, շարունակվում են։
Իրանում հորդառատ անձրևների հետևանքով առաջացած ջրհեղեղը սկսվել է այս գիշեր Իմամզադե Դավուդ լեռնային շրջանում, որը գտնվում է Իրանի մայրաքաղաքից հյուսիս: