Թրամփը՝ Պուտինի կողմից անհարգալից վերաբերմունքի մասին
ԱՄՆ նախագահ Դոնալդ Թրամփը վրդովվել է, երբ նրան հարցրել են ՌԴ նախագահ Վլադիմիր Պուտինի կողմից իր հանդեպ ցուցաբերած անհարգալից վերաբերմունքի մասին։ Ամերիկացի առաջնորդին համապատասխան հարցն ուղղել է Washington Post-ի լրագրողը:
Թրամփի ճեպազրույցը լրատվամիջոցների ներկայացուցիչների հետ տեղի է ունեցել Air Force One ինքնաթիռով թռիչքի ժամանակ։ WP-ի թղթակիցն այնուհետև հարցրել է, թե արդյոք Պուտինի կողմից անհարգալից վերաբերմունք է այն փաստը, որ ռուսական զորքերը Ուկրաինայում օդային հարվածներ են հասցնում:
Թրամփին զայրացրել է հարցի այս ձևակերպումը, և նա հայտարարել է, որ լրագրողի ներկայացրած լրատվամիջոցը կորցրել է վստահությունը։ Սպիտակ տան ղեկավարը կասկածի տակ է դրել լրագրողի ենթադրությունները։
ԱՄՆ նախագահը բազմիցս հայտարարել է, որ վստահում է Վլադիմիր Պուտինին և կարծում է, որ վերջինս ցանկանում է վերջ տալ ուկրաինական հակամարտությանը։ Նա նաև նշել է, որ իր համար ավելի հեշտ է շփվել Ռուսաստանի ղեկավարի հետ, քան Կիևի։
https://auroranews.am/
