Մինչև 20 տարեկաններն առավել քիչ են հակված կորոնավիրուսով վարակվելուն, քան 20-ից բարձր տարիքի անձինք. գիտնականներ
<p>Լոնդոնի Հիգիենայի և արևադարձային բժշկության դպրոցի գիտնականները պարզել են, որ 20 տարեկանից ցածր անձինք մոտավորապես երկու անգամ ավելի քիչ են հակված «Քովիդ-19» կորոնավիրուսով վարակվելուն, քան 20-ից բարձրները: Այս մասին հայտնում է <a href="https://edition.cnn.com/world/live-news/coronavirus-pandemic-06-16-20-intl/index.html" rel="nofollow" target="_blank">CNN</a>-ը՝ վկայակոչելով <a href="https://www.nature.com/articles/s41591-020-0962-9" rel="nofollow" target="_blank">Nature Medicine</a>գիտական ամսագրում հրապարակված հետազոտության արդյունքները:</p> <p>Հետազոտողներն ուսումնասիրել են վիրուսի փոխանցման մոդելները՝ գնահատելու համար հիվանդության հանդեպ զգայունության մակարդակն ու տարիքի կապը վարակման դեպքերի հետ:</p> <p>Նրանք պարզել են, որ կլինիկական ախտանշանները դրսևորվում են 10-19 տարեկանների մոտ 21 տոկոսի պարագայում: Այս գնահատականը մոտ 69 տոկոս է կազմում 70 և ավելի բարձր տարիքի մարդկանց շրջանում:</p> <p>Մասնագետների խոսքով՝ երեխաներն առավել քիչ են հակված «Քովիդ-19»-ով վարակվելուն հիվանդ մարդու հետ շփվելիս:</p> <p> </p> <p>Աղբյուրը` Tert.am</p> <p>Կայքը` Generalnews.am</p> <p> </p>