«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Իլոն Մասկը հայտարարել է զգալիորեն ավելի էժան մարտկոցով 25000 դոլար արժողությամբ Tesla էլեկտրակաքար ստեղծելու մտադրության մասին, հաղորդում է Forbes-ը:

Եթե ​​պլաններն իրականություն դառնան, նոր ավտոմեքենան ամենամատչելին կդառնա Tesla-ի շարքում: Այժմ ընկերության ամենաէժան մոդելը` Model 3 սեդանը, 37.990 դոլար արժե:

«Ինձ ամենից շատ մի բան է անհանգստացնում` այն, որ մենք իսկապես մատչելի ավտոմեքենա չունենք, եւ մենք կստեղծենք այն ապագայում: Սակայն դա անելու համար մենք պետք է իջեցնենք մարտկոցների գինը»,- ասել է Մասկը: Նա պատմել է, որ ավելի էժան էլեկտրաքարը պատրաստ կլինի մոտ երեք տարի անց: Միլիարդատերը նաեւ հայտարարել է. «Ժամանակի ընթացքում յուրաքանչյուր ավտոարտադրող էլեկտրամոբիլներ կունենա, որոնք կարող են երկար տարածություններ անցնել: Բայց ամեն ընկերություն չէ, որ կկարողանա գլուխ հանել արտադրությունից»:

Մասկը նաեւ ընդգծել է, որ մտադիր է տարեկան մինչեւ 20 միլիոն ավտոմեքենա արտադրել, նշում է պարբերականը: Դա գրեթե երկու անգամ ավել է ռեկորդակիր Volkswagen-ի վաճառքների անցած տարվա ծավալից: Միջոցառումից հետո Մասկը Twitter-ում շեշտել է, որ Tesla-ն 10 տարվա ընթացքում կավելացնի իր տարեկան արտադրությունը գրեթե 50 տոկոսով, իսկ գուցե նույնիսկ «մի փոքր ավելի արագ»: