Կիրակի, Հոկտեմբերի 25, 2020 Հետադարձ կապ

"ԶՈՐԱՎԱՐ ՍԵՊՈՒՀ" ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Գլխավոր  Այրվել են չորս սենյականոց բնակարանի 3 սենյակի և խոհանոցի գույքը. Մոլդովական փողոցի շենքերից մեկում բռնկված հրդեհը մարվել է

Նկար

Այրվել են չորս սենյականոց բնակարանի 3 սենյակի և խոհանոցի գույքը. Մոլդովական փողոցի շենքերից մեկում բռնկված հրդեհը մարվել է

21/09/2020 29

Սեպտեմբերի 21-ին, ժամը 16։45-ին Ճգնաժամային կառավարման ազգային կենտրոն ահազանգ է ստացվել, որ Երևանի Մոլդովական փողոցի 2/2 շենքի 5-րդ հարկի բնակարաններից մեկից ծուխ է նկատվում։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, երկու ավտոսանդուղք,

Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը, Հրդեհաշիջման և փրկարարական աշխատանքների կազմակերպման բաժնի օպերատիվ խումբը և Բժշկական ապահովման վարչության հերթապահ բժիշկը։

Հրդեհը մեկուսացվել է ժամը 17։27-ին, մարվել՝ 18։00-ին։

Այրվել են չորս սենյականոց բնակարանի 3 սենյակի և խոհանոցի գույքը, ջերմահարվել՝ կից սենյակի պատերը (8 քմ) և տանիքի փայտյա կառուցատարրերը (15 քմ)։

Փրկարարները տարհանել են երկու քաղաքացու․ տուժածներ չկան։