Երևանում մեր քննարկումները կենտրոնացած էին հայ-ադրբեջանական խաղաղության գործընթացի վրա․ ԵՄ հատուկ ներկայացուցիչ
Հարավային Կովկասի հարցերով ԵՄ հատուկ ներկայացուցիչ Մագդալենա Գրոնոն իր թվիթերյան էջում գրառում է արել, որտեղ շնորհակալություն է հայտնել Երևանում փոխվարչապետ Մհեր Գրիգորյանի, Անվտանգության խորհրդի քարտուղար Արմեն Գրիգորյանի և այլ բարձրաստիճան պաշտոնյաների՝ հանդիպումների ընթացքում մտքերի կարևոր և բովանդակալից փոխանակման համար։
Նա, մասնավորապես, նշել է. «Քննարկումները կենտրոնացած էին խաղաղության գործընթացի վրա՝ կենտրոնանալով փոխգործակցության հարցերի, հնարավոր ապագա միջսահմանային համագործակցության և տարածաշրջանի ապաշրջափակման վրա՝ ի շահ խաղաղության, ինչպես նաև Վաշինգտոնի պատմական համաձայնագրերի հաշտեցման ջանքերի վրա»։
ԵՄ ներկայացուցիչը այցելել է նաև Տավուշի մարզ, որտեղ ծանոթացել է անվտանգության և հումանիտար խնդիրներին։
«ԵՄ-ն որպես մոտ գործընկեր շարունակելու է աջակցել Հայաստանին և տարածաշրջանին՝ ուղղված խաղաղության հաստատմանը և կոնկրետ քայլերի իրականացմանը»,-գրել է Գրոնոն:
