Ռուս լրագրողի ավտոմքենայի պայթյունն Ուկրաինայի հատուկ ծառայություններն էին կազմակերպել․ ՌԴ ԱԴԾ
Օրերս ՌԴ Մոսկվայի մարզի Օդինցովո շրջանում լրագրող, քաղաքագետ Դարիա Դուգինայի վարած ավտոմքենայում պայթոյւն էր որոտացել, ինչի հետևանքով նա մահացել է։
Ռուսաստանի Դաշնության Անվտանգության դաշնային ծառայությունը բացահայտել է ռուս լրագրողի սպանությունը։ Ըստ նախնական վարկածի՝ գործի է դրվել ավտոմեքենայում տեղադրված պայթուցիկ սարքը, գրում է «ՌԻԱ Նովոստին»՝ հղում անելով Անվտանգության դաշնային ծառայության հայտարարությանը։
«Հաստատվել է, որ հանցագործությունը նախապատրաստել և կատարել են Ուկրաինայի հատուկ ծառայությունները։ Կատարողն Ուկրաինայի քաղաքացի Վովկ Նատալյա Պավլովնան է՝ ծնված 1979 թ.-ին։ Նա Ռուսաստան էր ժամանել 2022 թ. հուլիսի 23-ին 2010 թվականին ծնված դստեր՝ Շաբան Սոֆյա Միխայլովնայի հետ։
Դ. Դուգինայի սպանությունը կազմակերպելու և նրա կենսակերպի մասին տեղեկություններ ստանալու համար նրանք բնակարան էին վարձել Մոսկվայի այն նույն շենքում, որտեղ ապրում էր մահացածը»,- գրում է «ՌԻԱ Նովոստին»՝ հղում անելով հայտարարությանը։
Աղբյուրը նաև հայտնում է, որ օգոստոսի 21-ին Դուգինայի ավտոմեքենայի պայթյունից հետո Վովկն ու նրա դուստրը Պսկովի շրջանով Էստոնիա էին ուղևորվել։