Հայաստան ԵԱՀԿ առաքելություն ուղարկելը մանդատի խախտում է. Բայրամով
02/12/2022
Ադրբեջանի արտգործնախարար Ջեյհուն Բայրամովը Հայաստան կարիքները գնահատող ԵԱՀԿ առաքելություն ուղարկելը կազմակերպության «մանդատի բացահայտ խախտում» է համարում։ Այս մասին նա ասել է ԵԱՀԿ նախարարների խորհրդի 29-րդ նստաշրջանի ժամանակ:
«Առանց կոնսենսուսի՝ «կարիքների գնահատման առաքելություն» Հայաստան ուղարկելը բոլոր մասնակից պետությունների հավաքական կամքով ընդունված մանդատի բացահայտ խախտում է։
ԵԱՀԿ բոլոր ինստիտուտները, այդ թվում՝ նախագահությունը և քարտուղարությունը, ստեղծվել են որպես ընդհանուր արժեքներ բոլոր մասնակից պետությունների համար։ Համապատասխան կերպով գործելու անկարողությունը խաթարում է վստահությունը»,-նշել է Բայրամովը: