«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Նավթի պաշարների թեմայով դեռևս մարտին Ստամբուլում հրավիրված գագաթնաժողովի ժամանակ Թուրքիան ու Ադրբեջանը համագործակցության համաձայնագիր էին ստորագրել։

Ըստ այդմ՝ ադրբեջանական «SOCAR» պետական նավթային ընկերությունը կարողանալու է Թուրքիայի Բաթման նահանգում իրականացնել նավթային պաշարների որոնողական աշխատանքներ, հայտնում է Էրմենիհաբերը։

Բաթմանի նահանգապետն արդեն ընդունել է SOCAR-ի ներկայացուցիչներին և տեղեկացել կատարվելիք հորատման աշխատանքների բնույթի և բովանդակության մասին։

«SOCAR»-ի ներկայացուցիչ Զեքիուլա Քերիմլին նահանգապետին հավաստիացրել է, որ Բաթմանում նավթի որոնման իրենց աշխատանքներով և արդյունքներով ավելի են ամրապնդելու թուրք-ադրբեջանական եղբայրությունը։

Քերիմլին հիշեցրել է Ղարաբաղ զբոսայգու մասին, որը ստեղծվել է Բաթմանի նահանգապետարանի կողմից՝ ի նշան Թուրքիայի ու Ադրբեջանի եղբայրության, և գոհունակություն հայտնել այդ կապակցությամբ։