«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Գերմանիայի արևմուտքում գտնվող և Եվրոպայում ամենախոշորներից մեկը համարվող T&ouml;nnies ընկերության սպանդանոցում կորոնավիրուսի նոր բռնկում է գրանցվել, հայտնում է&nbsp;<a href="https://korrespondent.net/world/4242029-na-miasokombynate-v-hermanyy-vyiavyly-sotny-sluchaev-COVID?fbclid=IwAR2SYSe2ZU1fLvYZmFHWNViC4xK7-Qtx6Pl5oJBr3iu6a29QyrvN78mUwPk" rel="nofollow" target="_blank">korrespondent.net</a>&nbsp;կայքը։</p> <p>Աղբյուրը մանրամասնում է, որ Հյուսիսային Ռեյն-Վեսթֆալիա երկրամասի Գյուտերսլո շրջանի իշխանությունները Ռեդա-Վիդենբրյուկ քաղաքում տեղակայված ձեռնարկության մոտ 1000 աշխատակցից կորոնավիրուսի առկայությունը ստուգող թեստ են վերցրել։ Հունիսի 17-ի դրությամբ պատրաստ է եղել 590 թեստի պատասխան, որից 395-ը դրական է եղել։ Օրվա ընթացքում աշխատակիցների միջև վարակակիրների թիվը հասել է 657-ի։</p> <p>Գյուտերսլո շրջանի ղեկավար Սվեն-Գեորգ Ադենաուերը ենթադրում է, որ մնացած թեստերի պատասխանները նմանատիպ կլինեն։</p> <p>Նշվում է, որ T&ouml;nnies ձեռնարկության բոլոր վարակակիր աշխատակիցներին ուղարկել են երկշաբաթյա կարանտինի, նրանց մեծ մասի մոտ հիվանդությունը որևէ ախտանշաններով չի արտահայտվում։ Կազմակերպությունն աշխատանքը դադարեցրել է երկու շաբաթով։</p> <p>Վարակի հետագա տարածումը կանխելու նպատակով Գյուտերսլո շրջանի իշխանությունները որոշում են կայացրել մինչև հունիսի 26-ը կրկին դադարեցնել դպրոցների և մանկապարտեզների գործունեությունը։</p> <p>Ընկերության ղեկավարները ենթադրում են, որ վարակը կարող էին բերել այն աշխատակիցները, որոնք սահմանափակումների չեղարկումից հետո իրենց ընտանիքներին և հարազատներին այցելության էին մեկնել։ Հայտնի է, որ այս սպանդանոցի աշխատակիցների մեծ մասը ծնունդով Արևելյան Եվրոպայից է։</p> <p>Ընկերության տնօրինության համաձայն՝ մայիսի 10-18-ն անցկացված թեստերի արդյունքում 6400 աշխատակցից որևէ մեկի մոտ կորոնավիրուս չէր հայտնաբերվել։</p> <p>&nbsp;</p> <p>Աղբյուրը`&nbsp;Tert.am</p> <p>&nbsp;</p>