Կանադայում տղամարդը զանգվածային հրաձգություն է իրականացրել անօթևանների վրա. կան զոհեր
Կանադայի Բրիտանական Կոլումբիա նահանգում անհայտ տղամարդը զանգվածային հրաձգություն է կազմակերպել անօթևանների վրա։ Միջադեպի հետեւանքով կան տուժածներ։ Այս մասին հայտնում է Reuters-ը։
Հաղորդվում է, որ զանգվածային հրաձգությունը տեղի է ունեցել առավոտյան Վանկուվերի մոտ գտնվող Լանգլի քաղաքում։ Տեղի իշխանությունները արտակարգ դրություն են հայտարարել։
Կանադայի թագավորական հեծյալ ոստիկանության ներկայացուցիչը հայտնել է, որ հրաձգության հետևանքով կան մի քանի զոհեր: Նա, սակայն, չի հստակեցրել, թե քանի մարդ է վիրավորվել, քանիսն է մահացել։ Նրա խոսքով՝ զոհերը եղել են անօթեւանները, իսկ ոստիկանության տվյալներով՝ հարձակումը եղել է թիրախային։
Կասկածյալին նկարագրել են որպես սպիտակամորթ տղամարդ՝ հագին կոմբինեզոն և քողարկված շապիկ: Այս պահին նա ձերբակալված է։