Հունաստանի արտաքին գործերի նախարար Նիկոս Դենդիասը անդրադարձել է Հարավային Կովկասում ստեղծված իրավիճակին
03/10/2022
Հունաստանի արտաքին գործերի նախարար Նիկոս Դենդիասը Protothema թերթին տված հարցազրույցում անդրադարձել է Հարավային Կովկասում ստեղծված իրավիճակին։
«Իրավիճակը բարդ է. Ռուսաստանի՝ տարածաշրջանից զգալիորեն դուրս գալը լարվածության նոր աղբյուր է ստեղծում Հայաստանի և Ադրբեջանի հարաբերություններում։ Լարվածություն, որը կարող է Հայաստանի համար արագ վերածվել գոյաբանական սպառնալիքի։ Այս հարցերը պետք է լուծվեն հաջորդաբար: Միաժամանակ, պետք է հստակեցնել, որ միջազգային իրավունքից շեղումները կունենան անմիջական հետևանքներ։ Ես մտադիր եմ այս հարցերը բարձրացնել եվրոպացի, ինչպես նաև ամերիկացի զրուցակիցներիս հետ իմ շփումներում»,- նշել է Հունաստանի ԱԳ նախարարը։