Հույս ունեինք,որ ԿԳՄՍՆ-ն այս տարի ավարտական քննությունները կչեղարկեր. մի խումբ աշակերտներ պատրաստվում են դիմել նախարարություն
ArmDaily.am-ի խմբագրություն էին դրմել «Կրթական իրավունքի պաշտպաններ» նախաձեռնության անդամները, ովքեր նշում էին, որ հույս ունեին նախարարությունը կկայացներ որոշում՝ այս տարի հասկանալի հանգամանքներից ելնելով ավարտական քննությունները կչեղարկվեն:
Նախաձեռնության անդամներից Էդուարդ Պողոսյանը մեզ հետ զրույցում նշեց, որ իրենք չեն խուսափում քննություններից, իրենց խնդիրն այլ տիրույթում է. «Նախարարության կայացրած այս որոշումը ընդունելի չէ մեզ համար,որովհետև նախորդ տարում շուրջ 1 կիսամյակ հեռավար ձևաչափով ենք դաս արել,հետո արդեն այս ուստարում 15 օր ուշ մեկնարկած, շաբաթական 3 օր կրթական գործընթաց իրականացնելով ունենք մեծ բացթողում և լիարժեք չենք կարող պատրաստվել և ներկայանալ քննությանը»:
Նա նաև նշեց, որ խնդիրը պատրաստվում են բարձրաձայնել և նամակով կդիմեն նախարարություն:
ԿԳՄՍՆ հասարակայնության հետ կապի և տեղեկատվության վարչությունից ArmDaily.am-ի հարցին ի պատասխան հայտնեցին, որ այս պահին այդ խնդրի վերաբերյալ որևէ դիմում չի ստացվել:
Նշենք, որ օրերս ԿԳՄՍՆ-ն հստակեցրեց 12-րդ դասարանի ավարտական պետական քննությունների օրերը: Ըստ այդմ 12-րդ դասարանում սովորողը դեկտեմբերին կարող է հանձնել այն առարկաների պետական ավարտական քննությունները, որոնք չի ընտրել և չի ուսումնասիրելու 2-րդ կիսամյակում:
Ըստ այդմ՝ 12-րդ դասարանում պետական ավարտական քննությունները կանցկացվեն՝ համաձայն հետևյալ ժամանակացույցի.
«Հայոց լեզու և հայ գրականություն» գրավոր (թեստ) 22.12.2020թ.
«Մաթեմատիկա» գրավոր (թեստ) 24.12.2020թ.
«Հայոց պատմություն» գրավոր (թեստ) 26.12.2020թ.
