«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Քռասնի համայնքի վարչական տարածքում Ասկերանի շրջանի օկուպացված Ակնաղբյուր գյուղից տեղահանված ընտանիքների համար կառուցվում է նոր բնակավայր, որի շինարարությունն  ընթանում է բնականոն հունով:

 Այս մասին «Արցախպրես»-ի թղթակցի հետ զրույցում ասել է ԱՀ ՏԿԵ նախարարի առաջին տեղակալ Վարդան Բեգլարյանը՝ հավելելով, որ բռնատեղահանված ակնաղբյուրցիների համար այս նոր բնակավայրը կառուցվում է  Տարածքային կառավարման և ենթակառուցվածքների նախարարության պատվերով:

 «Կառուցվում է 12 եռահարկ շենք՝ 18-ական բնակարանով, որոնք կլինեն  1- 3 սենյականոց: Շինաշխատանքները սկսվել են 2021 թվականի նոյեմբեր ամսից: Նախատեսվում է աշխատանքների մի մասն ավարտել մինչև տարեվերջ, մյուս մասը՝ 2023 թվականի գարնանը»,-տեղեկացրել է Վ.Բեգլարյանը:

Մեր զրուցակցի խոսքով՝ շինաշխատանքներն իրականացնում են «Կապավոր», «Սմարթ սթրաքչերս» և «Պիրամիդա» ՍՊ ընկերությունները:

«Կառուցվող 216 բնակարաններից 100-ը նախատեսված է տեղահանված ակնաղբյուրցիներին ամբողջությամբ բնակարանով ապահովելու համար, իսկ մյուսներում կբնակվեն ավելի փոքր համայնքներից տեղահանված այն բնակիչները, որոնց համար առանձին թաղամաս չի կառուցվում»,-ընդհանրացրել է ԱՀ ՏԿԵ նախարարի առաջին տեղակալը: