ԱԻՆ-ը մանրամասներ է հայտնում Մատենադարանի տարածքում բռնկված հրդեհի վերաբերյալ
19/09/2020
Սեպտեմբերի 19-ին, ժամը 21։15-ին Ճգնաժամային կառավարման ազգային կենտրոն ահազանգ է ստացվել, որ Երևանի Սարալանջի խճուղում՝ Մատենադարանի հետնամասում, տարբեր օջախներով այրվում է խոտածածկ տարածք։
Այս մասին հայտնում են ՀՀ արտակարգ իրավիճակների նախարարությունից։
«Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների իրականացման կազմակերպման բաժինը։
Դեպքի վայրում է գտնվում ԱԻՆ Փրկակար Ծառայության տնօրեն փ/ծ գեներալ-մայոր Վ․Գաբրիելյանը։
Ավելի վաղ հայտնել էինք, որ Մատենադարանի հետնամասում խոշոր հրդեհ է բռնկվել։
