«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Էստոնիան Լոռու մարզի բժշկական հաստատություններին բժշկական պարագաներ և անհատական պաշտպանիչ միջոցներ է տրամադրում:&nbsp;<a href="http://www.armenpress.am/">&laquo;Արմենպրես&raquo;</a>-ի փոխանցմամբ՝ այս մասին &laquo;Ֆեյսբուք&raquo;-ի իր էջում ՀՀ նախագահ Արմեն Սարգսյանի հետ ունեցած հեռախոսազրույցից հետո գրել է Էստոնիայի Հանրապետության նախագահ Կերստի Կալյուլայդը:</p> <p>&laquo;Այսօր հեռախոսազրույց եմ ունեցել Հայաստանի Հանրապետության նախագահ Արմեն Սարգսյանի հետ: Էստոնիան աջակցում է Հայաստանին՝ Լոռու մարզի բժշկական հաստատությունների համար բժշկական պարագաներ և պաշտպանիչ միջոցներ գնելու միջոցով&raquo;,- գրել է Կալյուլայդը:</p> <p><i>Նախագահները հեռախոսազրույցի ընթացքում տեղեկություններ են փոխանակել երկու երկրներում կորոնավիրուսի համավարակի հետ կապված իրավիճակի, դրա կանխարգելմանն ու հաղթահարմանն ուղղված միջոցառումների շուրջ, քննարկել համագործակցության հնարավորությունները համավարակի դեմ պայքարում:</i></p> <p><i>Նախագահ Սարգսյանը շնորհակալություն է հատնել Էստոնիայի նախագահին՝ &laquo;Հայաստանի մանուկներ&raquo; հիմնադրամին (COAF) 30 հազար եվրո տրամադրելու համար, որն ուղղվելու է համավարակի դեմ պայքարին և համապատասխան բժշկական պարագաների ձեռքբերմանը:</i></p> <p><i>Հայաստանի և Էստոնիայի նախագահներն անդրադարձել են նաև երկկողմ հարաբերությունների զարգացմանը՝ մասնավորապես ընդգծելով տեխնոլոգիաների, արհեստական բանականության, գիտատեխնիկական, կրթական ոլորտներում երկու երկրների համագործակցության մեծ ներուժի առկայությունն, այդ թվում նաև՝ նախագահական ATOM նախաձեռնության շրջանակում փոխգործակցությունը: Այս համատեքստում նշվել է, որ նախագահ Արմեն Սարգսյանի՝ աշնանը Էստոնիա նախատեսվող պաշտոնական այցը նոր խթան կլինի երկու բարեկամ երկրների համագործակցության խորացմանը:</i></p> <p>&nbsp;</p> <p>&nbsp;</p> <p>&nbsp;</p> <p><i>Նյութը` Armenpress</i></p>