Օգոստոսի 1-ին Հայաստանի երկաթուղայիններն անվճար սպասարկել են ավելի քան 2 800 ուղևորի
02/08/2021
Օգոստոսի 1-ին՝ Երկաթուղայինի օրը, Հարավկովկասյան երկաթուղու ներհանրապետական էլեկտրագնացքների ծառայություններից անվճար օգտվել է 2 880 ուղևոր:
Ամենապահանջված երթուղիներն էին Երևան-Գյումրի-Երևանը և Ալմաստ-Շորժա-Ալմաստը՝ Գյումրիի ուղղությամբ մեկնել է 1 892 ուղևոր, իսկ Սևանա լճի լողափներ՝ 754 ուղևոր:
Ավանդույթի համաձայն, ամեն տարի Երկաթուղայինի օրը հայտարարվում է անվճար երթևեկության ակցիա: Այս տարի այն տարածվում էր ներհանրապետական բոլոր էլեկտրագնացքների վրա՝ բացառությամբ Երևան-Գյումրի-Երևան էքսպրեսների:
