«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Ինչու է անհրաժեշտ անձնագիրը

23/06/2020

<p>Բանկից դուրս եմ գալիս՝ ձեռնոցներով, դիմակով։ Մի բան էլ ավելի՝ գլխարկ էլ եմ կրում, արեւային ակնոցն էլ՝ վրադիր։ Մոտենում է ոստիկանը, հարգալից բարեւում, ներկայանում եւ պահանջում անձը հաստատող փաստաթուղթ։ Պայուսակումս են, իհարկե, ե՛ւ անձնագիրը, ե՛ւ նույնականացման քարտն ու սոցքարտը, համ էլ՝ լրագրողիս վկայականը։</p> <p>Բայց միանգամից չեմ ցույց տալիս՝ փոխարենը ոստիկանին հարցնելով. &laquo;Ես ոչ մի խախտում թույլ չեմ տվել, ինչու՞ եք անձնագիր ուզում&raquo;։</p> <p>-Եթե անձը հաստատող փաստաթուղթ չունեք, ապա հենց հիմա ինձ հետ բաժին պետք է գաք,-դարձյալ հարգալից է։</p> <p>Ու քանի որ հուրախություն ինձ՝ գրագետ հայերեն է խոսում, զրույցը շարունակել եմ ուզում՝ դարձյալ փաստաթուղթ ցույց չտալով։</p> <p>-Կարող եք բացատրել, ինչու՞ պետք է բաժին գամ,-ասում եմ՝ խնդրելով մեկ րոպե սպասել։</p> <p>Տեղում զանգում եմ պարետատուն։ Մի քանի ձախողված փորձից հետո միանում եմ։ Տալիս եմ նույն հարցը եւ ստանում պատասխան. &laquo;Այս տարվա հունիսի 16-ի ՀՀ պարետի թիվ 139-Ն որոշման համաձայն, պարետի 2020 թ. մայիսի 3-ի &laquo;Հայաստանի Հանրապետության ողջ տարածքում կիրառվող ժամանակավոր սահմանափակումների վերաբերյալ&raquo; N 63 որոշման մեջ կատարվել են փոփոխություններ, 6-րդ կետը լրացվել է 6.1 կետով՝ հետեւյալ բովանդակությամբ՝ &laquo;Բնակության վայրի բնակելի տարածքից դուրս գտնվելիս պարտադիր է անձը հաստատող փաստաթղթի՝ անձնագրի, նույնականացման քարտի կամ վարորդական իրավունքի վկայականի առկայությունը&raquo;։</p> <p>Ոստիկանը ժպտում է՝ տեսա՞ք, թեեւ չէր լսել մեր խոսակցությունը։</p> <p>Պարետատան հետ զրույցս եմ շարունակում. &laquo;Եթե խախտում թույլ չեմ տվել, ոստիկանն անձնագիրս ուզում է որ ի՞նչ անի, անձնագիրը պետք չէ՞ տուգանքն արագ ձեւակերպելու համար&raquo;։</p> <p>&laquo;Պարտադիր են ե՛ւ դիմակի, ե՛ւ անձնագրի առկայությունը&raquo;,-շարունակում են պարետատնից՝ հավելելով, թե որոշումն է այդպիսին, եւ այլ ճշտումների համար գրավոր հարցում է պետք։</p> <p>Ոստիկանին մեկնում եմ անձնագիրս։ &laquo;Բա եթե ունեիք, տայիք էլի&raquo;,-զարմանում է։</p> <p>&laquo;Ախր տեսաք, որ բանկից եմ դուրս գալիս, մոտս հաստատ մի փաստաթուղթ կլիներ,-ժպտում եմ։-Պարզապես, ուզում էի հասկանալ՝ ինչու&raquo;։</p> <p>&laquo;Ձեզ լավ օր, հարգելի քաղաքացի&raquo;,-ոստիկանն անձնագիրս վերադարձնում է ու թե՝ &laquo;Պարետի որոշումն է, հաջորդ անգամ որ կուզեն, անմիջապես տվեք&raquo;։</p> <p>Ոստիկանությունից էլ նույն պարզաբանումը տվեցին. &laquo;Պարետի որոշում է&raquo;։</p> <p>&nbsp;</p> <p>Հարցազրույցը վարեց ` Արմենուհի ՄԵԼՔՈՆՅԱՆԸ</p> <p><a href="http://www.hhpress.am/">&laquo;Հայաստանի Հանրապետություն&raquo;</a>&nbsp;օրաթերթ</p>