Անպատասխան չենք թողնի. պատասխանը կլինի՝ ցանկացած պահի, ցանկացած վայրում. Նեթանյահու
05/05/2025
Իսրայելն անպատասխան չի թողնի Եմենի ապստամբ հուսիների հարվածը Բեն Գուրիոնի անվան օդանավակայանին: Այս մասին հայտարարել է Իսրայելի վարչապետ Բենիամին Նեթանյահուն, գրում է «Ռիա Նովոստի»-ն:
«Մենք Իրանին կպատասխանենք ցանկացած պահի, ցանկացած վայրում: Հուսիների հարձակումներն ուղղակիորեն կապված են Իրանի հետ»,- հայտարարել է Նեթանյահուն:
Հավելենք՝ բալիստիկ հրթիռը պայթել էր Բեն Գուրիոնի անվան օդանավակայանի տարածքում։ Երեք մարդ վիրավորվել է։
Իսրայելական հակահրթիռային պաշտպանության համակարգը, ըստ ԶԼՄ-ների, նկատել է հրթիռը, սակայն չի կարողացել այն խոցել:
Առաջարկվող Նորություններ
