Իսրայելի վարչապետը խոստացել է ամեն ինչ անել, որ Իրանը չկարողանա միջուկային զենք ունենալ
01/02/2023
Իսրայելի վարչապետ Բենիամին Նեթանյահուն խոստացել է ամեն բան անել, որպեսզի Թեհրանը չկարողանա միջուկային զենք ունենալ, տեղեկացնում է CNN-ը:
«Առաջին տեղում Իրանն է։ Ես` որպես Իսրայելի վարչապետ, իմ լիազորությունների շրջանակում ամեն բան կանեմ, որ թույլ չտամ` Իրանը միջուկային զինանոց ունենա» -ասել է նա տված հարցազրույցում։
Նեթանյահուն նշել է, որ եթե Իրանը միջուկային զենք ունենա, ապա վտանգ կներկայացնի ոչ միայն Իսրայելի, այլև ԱՄՆ-ի համար, իսկ Թեհրանի հետ հարյուրավոր համաձայնագրերի ստորագրումը չի օգնի կանխել այդ սպառնալիքը: