Չավուշօղլուն և Դարչիաշվիլին Ստամբուլում քննարկել են Ղարաբաղի հարցը
Թուրքիայի արտգործնախարար Մևլութ Չավուշօղլուն Ստամբուլում իր վրացի գործընկեր Իլյա Դարչիաշվիլիի հետ հանդիպումից հետո հայտարարություն է արել։
«Թուրքիան նույնպես այն երկրների թվում է, որոնք աջակցում են Վրաստանի ինքնիշխանությանը և տարածքային ամբողջականությանը։ Մենք ցանկանում ենք, որ Աբխազիայի և Հարավային Օսիայի հակամարտությունները լուծվեն խաղաղ ճանապարհով. Մենք նաև աջակցում ենք Վրաստանի ինտեգրմանը ԵՄ-ին և ՆԱՏՕ-ին։ Վրաստանի արտգործնախարարի հետ հանդիպման ժամանակ մենք քննարկել ենք Ուկրաինան և Ղարաբաղը։ Ինչպես գիտեք, օրերս Թբիլիսիում կայացավ Վրաստանի, Ադրբեջանի և Հայաստանի արտգործնախարարների հանդիպումը։ Թուրքիայի նպատակը Հարավային Կովկասում կայուն խաղաղություն և կայունություն հաստատելն է»,- մամուլի ասուլիսի ժամանակ ասել է Չավուշօղլուն։