ԱԺ-ն հյուրընկալել էր ԵՊՀ իրավագիտության, միջազգային հարաբերությունների և հանրային կառավարման ֆակուլտետների առաջին կուրսի ուսանողներին
23/09/2021
ՀՀ Անկախության 30-ամյակի միջոցառման շրջանակում սեպտեմբերի 23-ին Ազգային ժողովը հյուրընկալել էր Երևանի պետական համալսարանի իրավագիտության, միջազգային հարաբերությունների ու հանրային կառավարման ֆակուլտետների առաջին կուրսի ուսանողներին:
Խորհրդարանի այգում «Պետություն ու իրավունքի տեսություն» թեմայով նրանց համար դասախոսություն է կարդացել Պետական-իրավական հարցերի մշտական հանձնաժողովի նախագահ Վլադիմիր Վարդանյանը:
Դասախոսությունից հետո ուսանողներն այցելել են Ազգային ժողովի թանգարան, ծանոթացել խորհրդարանի պատմությանը, ցուցանմուշներին, իսկ գրադարանում՝ առկա հարուստ գրականությանը: