ԵՄ-ն հատուկ ներկայացուցիչը Երասխ է այցելել
15/09/2021
Հարավային Կովկասում ԵՄ հատուկ ներկայացուցիչ Տոյվո Կլաարը Երևանից Բաքու մեկնելուց առաջ Երասխ է այցելել: Նա այդ մասին գրել է Թվիթերյան իր էջում:
«Երասխ այցելությունը լավ պատկերացում է տալիս, թե որքան մոտ են Հայաստանի ու Ադրբեջանի ռազմական դիրքերը։ Կարևոր է սահմանին թուլացնել լարվածությունը` բանակցություններում մթնոլորտը բարելավելու համար։ Եվրամիությունը պատրաստ է աջակցել դրան»,- Թվիթերում գրել է ԵՄ հատուկ ներկայացուցիչը։
Մինչ այդ ԵՄ ներկայացուցիչը Երևանում հանդիպել էր ՀՀ վարչապետի և ԱԳ նախարարի հետ: