«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Կիպրոսն ունի «բոլոր բաղադրիչները»՝ Միջերկրական ծովի արեւելյան տարածաշրջանում կայունության եւ անվտանգության պահպանման գործում ԱՄՆ-ի համար «վստահելի եւ հուսալի գործընկեր» լինելու համար, ասել է Կիպրոսի արտաքին գործերի նախարար Իոաննիս Կասուլիդեսը։

ԱՄՆ պետքարտուղար Էնթոնի Բլինքենի հետ հանդիպումից առաջ AP-ին տված հայտարարության մեջ Կասուլիդեսն ասել է, որ բարելավված հարաբերությունները գագաթնակետին հասան 2019 թվականին ԱՄՆ Կոնգրեսի կողմից ընդունված օրենսդրությամբ, որը վերացնում է ոչ մահաբեր պաշտպանական սարքավորումների եւ ծառայությունների էմբարգոն:

Էմբարգոյի վերացումը հնարավոր դարձավ այն բանից հետո, երբ Վաշինգտոնը հրաժարվեց Կիպրոսից ռուսական ռազմանավերին վառելիքով լիցքավորելու եւ այլ նավահանգստային ծառայություններից հրաժարվելու պահանջից: ԱՄՆ-ն Ռուսաստանին մեղադրեց Միջերկրական ծովի արեւելյան հատվածում «խիստ ապակայունացնող դեր» խաղալու մեջ։

Կասուլիդեսն ասել է, որ Կիպրոսը պատրաստ է քննարկել այն մտահոգությունները, որոնք ցանկացած գործընկեր կարող է ունենալ տարածաշրջանում մեկ այլ երկրի «չարամիտ ազդեցության» կապակցությամբ: Բայց նա նշել է, որ Կիպրոսը սահմանափակ ռեսուրսներով փոքր երկիր է, որի արտաքին քաղաքականությունն առաջնորդվում է «միջազգային իրավունքի խստիվ պահպանմամբ եւ բարիդրացիական հարաբերություններով»։

Կիպրոսի արտգործնախարարն ասել է, որ Կիպրոսի՝ որպես տարածաշրջանային կայունության գործակալի դիրքն ամրապնդում է դրա «զարգացած համագործակցության ցանցերը» հարեւան երկրների, այդ թվում՝ Իսրայելի, Հորդանանի եւ Եգիպտոսի հետ։ «Մենք մշտապես ձգտում ենք բարձրացնել մեր՝ որպես տարածաշրջանային կայունության դերակատարի դերը՝ լինի երկկողմանի, թե եռակողմ մեխանիզմների միջոցով, որոնք բազմիցս ապացուցել են իրենց արժեքը»,- ասել է Կասուլիդեսը: