«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

«Սուրմալու» առևտրի կենտրոնում պայթյունից մոտ երկու ամիս հետո եռահարկ կիսավեր շենքը, հարակից վտանգ ներկայացնող շինությունները քանդելու որոշում է կայացվել։ Այս մասին հայտնեցին Երևանի քաղաքապետարանի լրատվության վարչությունից։

«Սուրմալու»-ի սեփականատերն է դիմումը ներկայացրել, քանդման թույլտվությունը տրվել է արագացված ընթացակարգով, սակայն դեռևս կոնկրետ քանդման օրը հայտնի չէ։ Քանդման նախապատրաստական աշխատանքները սկսված են։

«Սեփականատերն իր միջոցներով է քանդման աշխատանքները կազմակերպելու, քաղաքապետարանն այլ լիազորություն չունի, բացի թույլտվությունը տալը»,- նշեցին քաղաքապետարանից։

Քանդման նախապատրաստական, տարածքի մաքրման աշխատանքներն արդեն սկսվել են։