Մարդու աղիներում հայտնաբերել են 140000 վիրուս
Աղիքային միկրոֆլորայի մասին խոսելիս սովորաբար նկատի ունեն բակտերիաները։ Բայց որտեղ կան բակտերիաներ, այնտեղ կան բակտերիոֆագներ, այսինքն՝ վիրուսներ, որոնք պարազիտացնում են բակտերիաները։ Sanger ինստիտուտի աշխատակիցները վերլուծել են ավելի քան 28 հազար աղիքային մետագենոմներ տարբեր մարդկանցից (մետագենոմները նշանակում են ԴՆԹ-ի ամբողջ հավաքածուն, որը կարելի է գտնել աղիներում և պարունակում է բակտերիաների, վիրուսների, մարդկանց և այլնի ԴՆԹ): Մետագենոմիկ տվյալները համալրվել են աղիքային բակտերիաների գրեթե 2900 գենոմի տվյալներով, որոնք աճեցվել են լաբորատորիաներում սննդային միջավայրի վրա: Համեմատելով ԴՆԹ-ի հաջորդականությունները՝ կարելի է հասկանալ, թե ում է պատկանում ԴՆԹ-ի որոշակի հատվածը:
Արդյունքում հայտնաբերվել են բակտերիոֆագների ավելի քան 140000 տեսակ (ավելի ճիշտ՝ 142809)։ Հարկ է ճշտել, որ դրանք բոլորը հայտնաբերվել են առողջ մարդկանց աղիներից վերցված ԴՆԹ-ում։ Վարակներով կամ քրոնիկական հիվանդություններով հիվանդների մոտ այս ցուցանիշը կարող է լինել ավելի բարձր կամ ավելի ցածր, իսկ ֆագերի կազմը, անշուշտ, տարբեր կլինի: Մենք հաճախ ասում ենք, որ մեր աղիքային բակտերիաները ազդում են բառացիորեն ամեն ինչի վրա՝ մարսողությունից մինչև անձեռնմխելիություն և վարքագիծ: Բակտերիոֆագները կարող են բավականին կտրուկ փոխել որոշակի բակտերիաների քանակը, ինչը նշանակում է, որ նրանք անուղղակիորեն ազդում են մեզ վրա, մնում է միայն հասկանալ, թե ինչպես։
Թարգմանությունը՝ Միսաք Տիգրանյան
