«Հերացի» թիվ 1 համալսարանական հիվանդանոցի տնօրենի մոտ հայտնաբերվել է COVID-19
<p><strong>«Հերացի» թիվ 1 համալսարանական հիվանդանոցի տնօրեն Արեն Բաբլումյանի</strong> և ևս 10 բուժաշխատողի մոտ հաստատվել է COVID-19-ը․ նրանք մեկուսացված են։</p> <p><strong><a href="https://www.armenpress.am/">«Արմենպրես»</a>-</strong>ի հետ զրույցում՝ այս մասին հայտնեց <strong>Երևանի պետական բժշկական համալսարանի աշխատակազմի ղեկավար Շուշան Դանիելյանը։</strong></p> <p>«Տնօրենն իրեն լավ է զգում, նրա մոտ ախտանշաններ չեն եղել, այժմ ըստ ցուցումների՝ նա մեկուսացված է։ Ներկա պահին վարակված է 10 բժիշկ։ Մարտի 1-ից մինչև օրս հիվանդանոցում վարակվել է 90 աշխատակից՝ այդ թվում օրդինատորներ, բժիշկներ, տնտեսական հատվածի աշխատողներ, պահակներ»,- նշեց Դանիելյանը։</p> <p><em>Հայաստանում հունիսի 19-ին, ժամը 11:00-ի դրությամբ հաստատվել է կորոնավիրուսային հիվանդության ընդհանուր </em><em>19 157</em><em> դեպք, որոնցից </em><em>8266</em><em>-ն` առողջացած: Կորոնավիրուսային հիվանդությամբ այս պահին փաստացի բուժում է ստանում </em><em>10 462 </em><em>պացիենտ: Ընդհանուր առմամբ, կատարվել է </em><em>91 943</em><em> թեստավորում:</em></p> <p><em>Ընդհանուր առմամբ, կորոնավիրուսային հիվանդությունից արձանագրվել է մահվան </em><em>319</em><em> դեպք: Արձանագրվել է նաև մահվան ևս </em><em>110</em><em> դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։</em></p> <p><em>Կառավարությունը հունիսի 12-ին որոշում է կայացրել ՀՀ-ում 2020 թվականի մարտի 16-ին հայտարարված և մինչև հունիսի 13-ը երկարաձգված արտակարգ դրության ժամկետը հունիսի 13-ից՝ ժամը 17:00-ից երկարաձգել ևս 30 օրով՝ մինչև հուլիսի 13-ը՝ ժամը 17:00-ն ներառյալ:</em></p> <p> </p> <p>Աղբյուրը` Armenpress, Լիլիթ Դեմուրյան</p> <p>Խմբագիր` Աննա Հակոբյան, Generalnews.am</p>
