Մենք աշխատանքներ ենք տանում, որ բոլոր հայ ռազմագերիները և այլ պահվող անձինք ի վերջո վերադառնան ՀՀ. Վահան Կոստանյան
11/11/2024
Գերիների խնդրի հասցեագրումը շատ կարևոր է, և մենք նույնպես այդ ուղղությամբ աշխատանքներ ենք տանում, որ բոլոր հայ ռազմագերիները և այլ պահվող անձինք ի վերջո վերադառնան ՀՀ։ Այս մասին այսօր լրագրողների հետ ճեպազրույցում ասաց ԱԳ նախարարի տեղակալ Վահան Կոստանյանը:
Անդրադառնալով խաղաղության պայմանագրի վերաբերյալ բանակցություններին՝ Կոստանյանը նշեց. «Դեռևս շարունակում են մնալ հարցեր, որոնց շուրջ կողմերի տեսակետները տարբերվում են, բայց մենք տեսնում ենք հնարավորություն այս տեսակետները մոտարկելու: ՀՀ-ն շարունակում է շահագրգռված լինել Ադրբեջանի հետ հարաբերությունների կարգավորման գործընթացում և կարծում ենք՝ դրական հաղորդագրություններն են, որոնք օգնում են այս գործընթացին, ինչպես նաև երկու պետությունների հանրություններին նախապատրաստում են»:
