Իրանի ԱԳ նախարարը սպառնալիքով արձագանքել է իրանական նավի խորտակմանը
06/03/2026
Իրանի արտգործնախարար Աբբաս Արաղչին հայտարարել է, որ ԱՄՆ-ն «կզղջա» միջազգային ջրերում իրանական նավի խորտակման համար։ X սոցիալական ցանցում հրապարակած գրառման մեջ նա նշել է, որ միջադեպը տեղի է ունեցել Իրանի ափերից մոտ 2000 մղոն հեռավորության վրա։
Արաղչիի խոսքով՝ «Dena» նավը, որի վրա եղել է անձնակազմի 130 անդամ, հարվածի է ենթարկվել առանց որևէ նախազգուշացման։ Նախարարը կատարվածը որակել է որպես «հանցագործություն ծովում» և ընդգծել, որ ԱՄՆ-ն «դառնորեն կզղջա իր ստեղծած նախադեպի համար»։
