«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Տեղեկություններ են հայտնվել Omicron շտամի նոր ենթատեսակների մասին, որոնք ավելի վտանգավոր են. Իվանե Չխաիձե

06/05/2022

Aliq.ge-ն հայտնում է, որ Վրաստանի իմունականխարգելման տեխնիկական խորհրդատուների ազգային խմբի ղեկավար Իվանե Չխաիձեի խոսքով՝ «որոշ տեղեկություններ են հայտնվել կորոնավիրուսային նոր մուտացիաների մասին, որոնք կորոնավիրուսի Omicron շտամի ենթատեսակներ են, և ավելի վարակիչ են, քան Omicron-ը»:

Ըստ Չխաիձեի՝ նոր մուտացիան Վրաստանում չի նկատվել.

«Սա չի նշանակում, որ մենք լիովին պաշտպանված կլինենք նոր շտամից: Կոչ եմ անում՝ նորից ու նորից զգույշ լինել: Ցանկանում եմ, որ երկիրն ունենա անվտանգ ամառ և դրա լավագույն հնարավորությունը պատվաստումն է: Այս դեպքում խոսքը երրորդ խթանիչ՝ «booster» դոզայի մասին է»:

Նա նաև նշել է, որ դեռ վաղ է խոսել կորոնավիրուսի համավարակի ավարտի մասին և բնակչությանը կոչ է արել շարունակել փակ տարածքներում դիմակ կրել:

«Ցանկալի կլիներ, որ դիմակ կրելու սահմանափակումները թողնեինք մինչև համավարակի ավարտը»,- ասել է Չխաիձեն։