Նյու Յորքում վաճառքի է հանվել Ռոքֆելլերների շքեղ բնակարանը
18/09/2020
Նյու Յորքում, աշխարհի ամենաթանկ փողոցներից մեկում՝ 5-րդ պողոտայում, վաճառքի է հանվել Ռոքֆելլերների ընտանիքին պատկանող բնակարանը: Դրա արժեքը գնահատվում է 11,5 մլն դոլար, գրում է Bloomberg-ը:
812 հասցեում գտնվող բնակարանը պատկանել է ԱՄՆ փոխնախագահ Նելսոն Ռոքֆելլերին, ով պաշտոնավարել է 70-ականներին: Նելսոնն աշխարհի առաջին դոլարային միլիարդատեր Ջոն Ռոքֆելլերի թոռն է: Ընտանիքն այնտեղ ապրել է գրեթե 60 տարի:
371 քմ մակերեսով բնակարանը զբաղեցնում է ամբողջ 15-րդ հարկը և ունի չորս ննջասենյակ:
Նշվում է, որ վաճառքի հանված բնակարանը պատկանել է նրա երկրորդ կնոջը, այնուհետև 2017 թվականին փոխանցվել նրա որդուն: