ՌԴ ԱԴԾ-ն հայտնել է ահաբեկչության կանխման մասին Մոսկվայի մարզում
Մոսկվայի մարզում ահաբեկչական հարձակում է կանխվել, հայտնել է ՌԴ ԱԴԾ-ն: Անվտանգության ուժերը ծագումով Կենտրոնական Ասիայից 1999-ին ծնված տղամարդու են բերման ենթարկել, ով միջազգային ահաբեկիչների ցուցումով հարձակում էր նախապատրաստում «իշխանական մարմինների շենքերից մեկի» վրա: Այլ մանրամասներ չեն հաղորդվում, փոխանցում է «ՌԻԱ Նովոստի»-ն:
Հետաքննության համաձայն` հետագայում տղամարդը պատրաստվում էր մեկնել Մերձավոր Արեւելք:
Ձերբակալվածի թաքստոցում ինքնաշեն ռումբի բաղադրիչներ են հայտնաբերվել: Հայտնաբերվել են նաեւ գրոհայինների նամակագրությունը, պայթուցիկ նյութերի պատրաստման հրահանգներ եւ ահաբեկիչների ղեկավարներին երդման տեսանյութ:
Ինչպես ամռանը հայտնել էր ԱԴԾ տնօրեն Ալեքսանդր Բորտնիկովը, վերջին տասը տարում Ռուսաստանում կանխվել է գրեթե 160 ահաբեկչական հարձակում, 2019-ին` 43, իսկ այս տարի` ավելի քան 20:
