Հայաստանի նկատմամբ վստահության մակարդակը զրոյական է. Ալիև
13/03/2025
Երևանի հետ բոլոր պայմանավորվածությունները պարտադիր պետք է ամրագրվեն թղթի վրա, քանի որ Հայաստանի նկատմամբ վստահության մակարդակը զրոյական է: Այս մասին հայտարարել է Ադրբեջանի նախագահ Իլհամ Ալիևը:
Նա կրկին հիշատակել է Հայաստանի Սահմանադրությունը՝ նշելով, թե այնտեղ իբրև թե կան Ադրբեջանի նկատմամբ ՛՛տարածքային պահանջներ՛՛:
Բացի դրանից՝ Ալիևը նաև հայտարարել է, որ ԵԱՀԿ Մինսկի խումբը պետք է լուծարվի:
՛՛Սա է մեր մեսիջը Հայաստանին՛՛,-ասել է նա:
Ավելի վաղ հայտնել էինք, որ ՀՀ վարչապետ Նիկոլ Փաշինյանը հայտարարել է, որ խաղաղության պայմանագրի շուրջ բանակցություններն ավարտված են:
