«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Կալիֆոռնիան ապրիլի 24-ը կհայտարարի «Ցեղասպանության հիշատակի օր» որպես պետական տոն. Այն կլինի ոչ աշխատանքային

14/09/2022

Կալիֆոռնիայի նահանգային խորհրդի անդամ Էդրին Նազարյանի ջանքերով ընդունվել է ապրիլի 24-ը՝ որպես Հայոց ցեղասպանության հիշատակի օր դարձնելու օրենսդրական նախաձեռնությունը։ Այս մասին հայտնում է Armenian Weekly-ն։

Օրինագիծը պահանջում է, որ ամեն տարի ապրիլի 24-ին Կալիֆորնիայի բոլոր համայնքային քոլեջներն ու պետական դպրոցները փակվեն, իսկ պետական ծառայողներին կտրամադրվի վճարովի արձակուրդ:

Օրինագծի տեքստում, մասնավորապես, նշված է. «Օրենսդիրը գտնում և հայտարարում է, որ Ցեղասպանության հիշատակի օրը բոլորի համար կլինի անցյալ և ներկա ցեղասպանությունների մասին անդրադառնալու օր, բայց հատկապես նրանց համար, որոնք զգացել են այդ վայրագությունների ազդեցությունը, որոնք ապաստան են գտել Կալիֆորնիայում։ Այն ներառում է, բայց չսահմանափակվելով Հոլոքոստը, Գոլոդոմորը, հայ, ասորի, հույն, կամբոջական և ռուանդական համայնքների ցեղասպանությունները։ Ցեղասպանության հիշատակի օրն ամեն տարի նշվելու է ապրիլի 24-ին, որը հայտնի է նաև որպես Հայոց ցեղասպանության հիշատակի օր, այն շաբաթվա ընթացքում, երբ Կալիֆորնիա նահանգն ավանդաբար ճանաչում է Ցեղասպանության իրազեկման շաբաթը»