Անհրաժեշտ է արագացնել ՅՈՒՆԵՍԿՕ-ի առաքելության այցը Լեռնային Ղարաբաղ. ՌԴ մշտական ներկայացուցիչ
ՅՈՒՆԵՍԿՕ-ում Ռուսաստանի մշտական ներկայացուցիչ Ալեքսանդր Կուզնեցովը հայտարարել է ՅՈՒՆԵՍԿՕ-ի առաքելությունն Արցախ շուտափույթ ուղարկելու անհրաժեշտության մասին:
Փարիզում ելույթ ունենալով կազմակերպության գործադիր խորհրդի 211-րդ նստաշրջանում ՝ Կուզնեցովն ընդգծել է, որ անհնար է ապագայի կայուն խաղաղություն կառուցել առանց անցյալի նկատմամբ հոգատար վերաբերմունքի:
"Լրացուցիչ ջանքերն անհրաժեշտ է ուղղել ժառանգության օբյեկտների պաշտպանությանը, այդ թվում ՝ զինված հակամարտությունների պայմաններում։ Հուսով ենք, որ ՅՈՒՆԵՍԿՕ-ն կմոբիլիզացնի իր ներուժը Սիրիայում մշակութային հուշարձանների վերականգնման համար: Կարևոր է նաև ավելի արագ ՅՈՒՆԵՍԿՕ-ի գնահատման առաքելությունն ուղղել Լեռնային Ղարաբաղի գոտի։ Ելնում ենք նրանից, որ առաքելության աշխատանքը կունենա զուտ հումանիտար, ապաքաղաքականացված բնույթ", - ասել է Կուզնեցովը ։
Նշենք, որ Ադրբեջանը ձգձգում է գնահատող հանձնաժողովի այցը Լեռնային Ղարաբաղ, մինչդեռ ադրբեջանցի զավթիչները Իլհամ Ալիեւի անմիջական հրամանով ոչնչացնում են հայկական պատմամշակութային հուշարձանները՝ ջնջելով հայկական հետքը տարածաշրջանում:
Աղբյուր՝ Инфотека
Թարգմանությունը Թ․ Սարգսյան
Առաջարկվող Նորություններ
