Եթե դա կախված է Ռուսաստանից, ապա պատերազմ չի լինի. Լավրով
Եթե դա կախված է Ռուսաստանից, ապա պատերազմ չի լինի, ռադիոկայաններին տված հարցազրույցում ասել է արտգործնախարար Սերգեյ Լավրովը։
«Մենք պատերազմ չենք ուզում, բայց նաև թույլ չենք տա կոպիտ հարձակումներ մեր շահերի վրա, թույլ չենք տա, որ մեր շահերը անտեսվեն»,- ավելացրել է նա:
Լավրովն ընդգծել է, որ անվտանգության երաշխիքների վերաբերյալ առաջարկները վերջնագիր չեն, և դրանցում ոչ մի արտասովոր բան չկա, Մոսկվան պարզապես ցանկանում է, որ իր հետ ազնվորեն վարվեն։
Նախարարը նշել է, որ ԱՄՆ-ի և ՆԱՏՕ-ի հետ բանակցություններն այս թեմայով դեռ ավարտված չեն, և ռուսական նախաձեռնության պատասխանում կան «ռացիոնալ հատիկներ»։ Այնուամենայնիվ, Արևմուտքը ԵԱՀԿ-ի դրույթներից «ընտրում է» անվտանգության անբաժանելիության մասին միայն այն, ինչ իրեն ձեռնտու է։
Այդ կապակցությամբ Մոսկվան մտադիր է հարցում ուղարկել իր բոլոր գործընկերներին՝ բացատրելու, թե ինչպես են պատրաստվում կատարել այս փաստաթղթի կետերը։ Միաժամանակ Ռուսաստանը պատասխան է պատրաստում Վաշինգտոնին ու Բրյուսելին, որն այժմ մշակվում է:
