Իրանը ողջունում է Ռուսաստանի միջնորդությունը Ադրբեջանի և Հայաստանի միջև հրադադարի ընդունման հարցում․ Իրանի նախագահի աշխատակազմի ղեկավար
Իրանի Իսլամական Հանրապետության նախագահի աշխատակազմի ղեկավար Մահմուդ Վաեզին երեքշաբթի օրը թվիթերյան գրառմամբ հույս է հայտնել, որ ղարաբաղյան ճգնաժամի վերաբերյալ հրադադարի համար ձեռք բերված համաձայնությունը կյանքի կկոչվի:
Հաղորդում է իրանական «Իռնա» պետական լրատվական գործակալությունը։
Վաեզին նշել է, որ Իրանը ողջունում է Ռուսաստանի միջնորդությունը Ադրբեջանի և Հայաստանի միջև հրադադարի ընդունման հարցում: «Իրանը շարունակում է ընդգծել երկու երկրների կողմից միջազգային սահմանների պահպանումը և քաղաքացիության իրավունքների պահպանումը», - շեշտել է նա:
Վաեզիի փոխանցմամբ՝ Իրանը կարծում է, որ եթե երկու կողմերը հավատարիմ մնան միջազգային իրավունքներին, ներառյալ՝ երկրների տարածքային ամբողջականությանը և քաղաքացիների իրավունքներին, ապա բանակցությունները և քաղաքական լուծումը կարող են վերացնել այս հին ճգնաժամը: